$المرجله ماهي بكلمة تنقال$

[روح البداوة]

--------------------------------------------------------------------------------

إذا المراجل لبسـة شمـاغ وعقـال

قـل للعـذارى يلبـسـن العمـايـم

ماعاد يفرق زول حرمـه ورجـال

دام الفعايـل تشبـه البعـض دايـم

المرجلـه ماهيـب كلمـة وتنقـال

وتروح ماراحـت هبـوب النسايـم

وإلا خشونة صوت أو رفع الأثقـال

أو رزة صـدور وفعـل الـزلايـم

ولاهي بعد مفتـاح موتـر وجـوال

وإلا ردى لسانـن حديثـه شتـايـم

المرجله شيمه عـن القيـل والقـال

رفيع نفـس ن حـر بالجـو حايـم

المرجله عقـل وزن وزنـه جبـال

ودون العقـل وش فرقنـا والبهايـم

يامسندي لو مايل الوقت بـي مـال

ياولـد أبويـه ياعظيـم العـزايـم

يامعرب الجدين من العـم والخـال

يانخـوة المفـزوع وقـت الهزايـم

المرجله ياخوي هي طولـة البـال

هي العزم هـي الصبـر فالظلايـم

فيهـا الكـرم عـزه دلـه وفنجـال

فيها الكرامة عن ردى الطبع شايـم

والدين لامنه خـذا القلـب منـزال

مشى طريق الحـق وابليـس نايـم

ومن لاعرف ربه في طيب الحـال

لابـد وقـت الضيـق بالهـم هايـم

حتى صلاتك مع جماعات ورجـال

في خيرهـا ياخـوي نعـم الغنايـم

ولامن نصف ليلك قم صفـي البـال

ياعظم أجـرك بيـن ساجـد وقايـم

ولامن رفع ربي له كـل الأعمـال

حسن الذكر لاقالـو فـلان صايـم

وخلك شريف القصد ياطيب الفـال

سـوء المقاصـد فالبيـوت الهدايـم

واحذر تبيع النفس في درب الأنذال

وتتبع خـوي إبليـس راع النمايـم

النفس خيـل لـك إذا كنـت خيـال

ومن لاقوى نفسـه قوتـه الهزايـم

ولا صرت ماتدري لويش أنت رجال

والله خسـارة فيـك ذبـح التمايـم
تخياتي ؛ روح البداوة

[•-{قلـب دبـي}-•]

تسلم اخوي عالقصيد الحلو

[<~kuuwwaaiittyy~>]

تسلم اخوي علي الكلام هذا الي من ذوقك

[spOrt G!rl]

ابداااع اخوووي روح البدااوة ....
ويعطيك العااافيه ولا عدمنااك
ولكــ احترااميـــ

[حبوب دبي]

يسلمووو اخوي روح البداوة..

ونتريا منك اليديد... والابداع..


^_^

[عـ'ـنيـ'ـد دبـ'ـي]

إذا المراجل لبسـة شمـاغ وعقـال

قـل للعـذارى يلبـسـن العمـايـم

ماعاد يفرق زول حرمـه ورجـال

دام الفعايـل تشبـه البعـض دايـم

المرجلـه ماهيـب كلمـة وتنقـال



ماشالله كلمات رووعه

تقبل مروري

[غرشوبة ابوظبي]

تسلم اخوي روح البداوه
يسلمو ايديك

[عيونـِگ عنوآنـِي ஐ,]

صح منطوووقك ..

وتسلم ع القصيييده الرائعه ..

وربي لاهانك ..

[عين الحر]

تسلم اخوي روح البداوه
على القصيده الرووووعه
وما قصرت
تقبل مرووري

[ۈבـيد دِبيَ *]

مشكور اخوي عـ القصيدة الحلوة


اخوكـ " وحـــيـــد دبـــي "